Сустрэча з пісьменнікам-земляком
05.09.2016Сустрэча з пісьменнікам Алесем Зайкам прайшла вельмі цікава.
Алесь Фаміч расказаў пра змест сваіх кніг .
У кнізе “Дым з коміна” ён змясціў мініяцюры, лірычныя запісы з убачанага і пачутага пра сустрэчы з рознымі людзьмі.
У “Дыялектным слоўніку Косаўшчыны” ён знаёміць з тымі словамі, якія ўжываюць касаўчане у сваёй мове.
У навукова-папулярнай форме разглядаецца гісторыя і сучаснасць кожнага населенага пункта Івацэвіцкага раёна. У “Фразеалагічным слоўніку Косаўшчыны” прадстаўлена фразеалогія насельнікаў паўночнай часткі Івацэвіцкага раёна Брэсцкай вобласці.
Сустрэча была вельмі пазнавальнай і выхаваўчай. Вучні задавалі шмат пытанняў госцю, на якія атрымалі поўныя адказы.
У канцы сустрэчы дзеці і настаўнікі набылі кнігі Алеся з яго аўтографам.
Канановіч Л. П.,
настаўнік беларускай мовы і літаратуры